top of page

《直至失敗為止!》 "MAKE IT TILL YOU FAIL IT!" 藝術家專訪:Pyrce Luk



1. 您可以分享一下您在籌備本次展覽過程中遇到的困難嗎?

 

-因為展出嘅41件都係新造,共3種medium,mix media, print, kinetic,所以對同時工作中嘅我都幾demanding。 

喺製作以外,因為失敗蛋project喺10月曾喺另一個展示過,都想趁今次將成個project喺概念同呈現上再深化同時簡化,係最花時間。

 

2. 您的作品多以混合媒介創作。可以請您分享一下不同媒介如何呈現您想探討的. 觀念或

訊息?

 

-我喜歡按概念去選擇將佢bring to life的媒介同物料,因為每個物料或現成物都有佢自身嘅意思,我喜歡去按呢啲既有意思去加工。例如kinetic piece "Pleasure's Mine" 就利用咗街市紅燈罩係用嚟照瑕疵嘅意義上去加工。



3. 你曾投身於廣告作家行業,可以請您分享一下您的背景如何影響您的藝術創作和實踐?

 

-我而家仍在做廣告。做過4As同Boutique agencies及大細品牌同機構,令我見證同深入領悟到,慾望是manipulatable。所謂主流嘅追求或風向,都係可透過顏色同字眼去製作同操控,然後受眾將呢啲manufactued出來的價值內化,以為同埋最終成為自己執行/維護嘅價值,甚或施之於他人嘅壓迫。

 

4. 為何會決定將「失敗蛋」轉化成盲盒商品形式呈現?

 

-盲盒販賣的是an adventure,不是裡面隻figure。而展覽概念係關於「失敗,是一種抗衡的形式」,當我哋選擇去失敗於跟從或臣伏主流之下,都係買盲盒咁的adventure,打開緊一種可能性 ---- 打開唔一定會得到想要嘅結果,但唔打開就一定唔會得到。



5. 您提及過「失敗可以是一種成功」,對您而言,失敗與成功的關係是怎樣的?

 

-社會中我們確實有一套成功與失敗的判斷標準。儘管「失敗」在社會眼中有負面涵意,但我認為係不被外力牽著走的正面概念,不去符合期望的失敗可以是一種解放。從這角度來看,「失敗」也是一種成功 —— 成功地從被灌輸或已內化的社會期待或價值中解放。我嘅結論答案係放咗喺作品"Pleasure's Mine."入面,解放後,原本照瑕疵嘅光,對你來說都可變成an enjoyable light.

 

6. 失敗是您作品的主題,可以請您分享一下您創作時如何界定和應對失敗嗎?

 

-如果講創作過程上,更多係關於"Make It Till You Fail It" 中的"Make It"部份,就係做出心入面想要嘅效果,同使用意義上最適合物料同機械結構,如自慰器的往復電機,;唔妥協,直到做到為止,"Make It Till I Fail what they think i should be doing"



5 次查看0 則留言

Comments


bottom of page